តើបងៗស្រីមេផ្ទះពិបាករកនឹកមុខម្ហូបសម្រាប់គ្រួសារមែនទេ? មិនបាច់គិតច្រើនទេ មកសាកល្បងអនុវត្ត ប្រហុកនួននាង ជាមួយនឹង ខ្មែរប្រពៃ ទាំងអស់គ្នាធានាថាឆ្ងាញ់ត្រូវមាត់តែម្តង។
គ្រឿងផ្សំ៖
– ខ្ទឹមស
– ខ្ទឹមក្រហម
– ខ្ទឹមបារាំង
– ខ្ទឹមបំពង់
– ម្ទេសផ្លោកក្រហម
– ម្ទេសខ្មាំង ឬម្ទេសហឡូពីណូ
– ប៉េងប៉ោះពងចាប
– ពងទា
– សាច់ជ្រូកចិញ្ច្រាំ
– ប្រហុក
– ខ្លាញ់
– ស្ករ
វិធីធ្វើ៖
១. លីងសាច់ជ្រូកឱ្យស្ងួតអស់ទឹក រួចដួសទុកមួយអន្លើ។
២. ដាក់ខ្លាញ់ លីង ខ្ទឹមស ខ្ទឹមក្រហម ខ្ទឹមបារាំងចិញ្ច្រាំ ខ្ទឹមបំពង់ហាន់ល្អិតៗ ម្ទេសផ្លោកទុំ ម្ទេសខ្មាំង ឱ្យឈ្ងុយ ហើយយកមកបុកចូលគ្នា។
៣. ដាក់ខ្លាញ់ លីងគ្រឿងដែលបុកបាននោះ ជាមួយប្រហុក ឱ្យឈ្ងុយ។
៤. ចាក់សាច់ជ្រូកចូល ដាក់ស្ករចុងស្លាបព្រាកាហ្វេ (កុំដាក់ឱ្យផ្អែមដូចប្រហុកខ្ទិះ) កូរឱ្យសព្វ។
៥. ភ្លក់រសជាតិប្រៃផ្អែម ថែមថយ តាមស្រឡាញ់ រួចហើយគោះពងទា ដាក់ចូល កូរឱ្យសព្វ រហូតដល់ចេញពណ៌ល្អ។
៦. ដាក់ប៉េងប៉ោះចូល បួនដប់ កូរឱ្យសព្វ។
៧. ពេលដួសបរិភោគ អាចថែមស្លឹកខ្ទឹម ជីរវ៉ាន់ស៊ុយ ឬជីរក្រហម តាមចំណូលចិត្ត ឬមិនបាច់ដាក់ក៏បាន។
៨. បើមិនជូរទេ អាចច្របាច់ក្រូចឆ្មារថែម៕
សូមមេត្តាជួយទិញ CD Original ពីក្រុមហ៊ុន ដើម្បីជួយគាំទ្រ អ្នកចម្រៀងខ្មែរយើង។ សូមអរគុណ!